Պուտինը հայտարարել է Ուկրաինայի հետ սահմանին բուֆերային գոտի ստեղծելու գործընթացի մասին

Ռուսաստանի նախագահ Վլադիմիր Պուտինը հայտարարել է, որ ՌԴ զինված ուժերն աշխատանքներ են իրականացնում Ուկրաինայի հետ պետական սահմանի երկայնքով անվտանգության բուֆերային գոտու ստեղծման ուղղությամբ։ «Արմենպրես»-ի հաղորդմամբ՝ այս մասին նա նշել է ՌԴ կառավարության անդամների մասնակցությամբ կայացած խորհրդակցության ընթացքում։

«Ավելի վաղ որոշում էր կայացվել սահմանին անհրաժեշտ անվտանգության բուֆերային գոտի ստեղծելու վերաբերյալ։ Այժմ մեր զինված ուժերն իրականացնում են այդ խնդիրը։ Հակառակորդի կրակակետերը ակտիվորեն ճնշվում են, աշխատանքը շարունակվում է»,– հայտարարել է ՌԴ նախագահը։