მაღლად ვაფასებთ საფრანგეთის მხარდაჭერას სომხეთის სუვერენიტეტისა და დემოკრატიის გამყარებაში: კოსტანიანი

სომხეთის ხელისუფლება მაღალ შეფასებას აძლევს საფრანგეთის მხარდაჭერას სომხეთის სუვერენიტეტის, ტერიტორიული მთლიანობისა და დემოკრატიის შემდგომი გამყარებისადმი.

როგორც „არმენპრესი“ იტყობინება, ამის შესახებ განაცხადა სომხეთის საგარეო საქმეთა მინისტრის მოადგილემ ვაჰან კოსტანიანმა გორისში გამართული სომხეთ-საფრანგეთის დეცენტრალიზებული თანამშრომლობის მეხუთე ფორუმის გახსნის ცერემონიაზე გამოსვლისას.

„მაღლად ვაფასებთ ასევე ორმხრივ და ევროპულ ფორმატებში საფრანგეთის მხრიდან გაწეულ დახმარებას სომხეთის თავდაცვითი შესაძლებლობებისა და ეკონომიკური მდგრადობის გაძლიერების მიმართულებით, აგრეთვე იმ მხარდაჭერას, რაც უკავშირდება სომხეთსა და ევროკავშირს შორის პარტნიორობის გაფართოებასა და ევროპისთან დაახლოების ჩვენს მისწრაფებებს“, – ხაზგასმით აღნიშნა კოსტანიანმა.