საუდის არაბეთში დაიწყო ტრამპისა და ალ-შარას შეხვედრა

საუდის არაბეთის დედაქალაქ ერ-რიადში დაიწყო აშშ-ის პრეზიდენტ დონალდ ტრამპისა და სირიის გარდამავალი პერიოდის პრეზიდენტ ახმად ალ შარას შეხვედრა. როგორც „არმენპრესი“ იუწყება, ამ ინფორმაციას ავრცელებს ტელეარხი Al Arabia, დამატებითი დეტალების გარეშე.

ადრე გავრცელდა ცნობები, რომ აშშ-ის პრეზიდენტი 14 მაისს ერ-რიადში შეხვდებოდა სირიელ კოლეგას სპარსეთის ყურის ქვეყნებისა და აშშ-ის სამიტამდე.

ასევე არსებული ინფორმაციით, აშშ-ის სახელმწიფო მდივანი მარკო რუბიო თავის მხრივ შეხვედრას გამართავს სირიელ კოლეგასთან.

აშშ-ის პრეზიდენტმა 13 მაისს განაცხადა, რომ განიხილავს სირიის წინააღმდეგ დაწესებული სანქციების მოხსნის საკითხს, რათა ქვეყანას მიეცეს შესაძლებლობა შემდგომი პროგრესისა და აყვავების მისაღწევად, აღნიშნავს რა, რომ მისი ადმინისტრაცია პირველი ნაბიჯი გადადგა სირიასთან ურთიერთობების მოწესრიგებისკენ.