Արարատ Միրզոյանը շնորհավորել է Անալենա Բերբոքին ՄԱԿ-ի գլխավոր ասամբլեայի 80-րդ նախագահ ընտրվելու առթիվ

Հայաստանի արտաքին գործերի նախարար Արարատ Միրզոյանը շնորհավորել է Գերմանիայի արտաքին գործերի նախկին նախարար Անալենա Բերբոքին ՄԱԿ-ի գլխավոր ասամբլեայի նախագահ ընտրվելու առթիվ։

«Արմենպրես»-ի փոխանցմամբ՝ Արարատ Միրզոյանն այդ մասին գրել է X-ի իր միկրոբլոգում։ 

«Անկեղծորեն շնորհավորում եմ իմ սիրելի գործընկեր Անալենա Բերբոքին ՄԱԿ-ի գլխավոր ասամբլեայի նախագահ ընտրվելու առթիվ և նրան հաջողություններ եմ մաղթում ՄԱԿ-ի գլխավոր ասամբլեայի 80-րդ նստաշրջանի այս կարևոր տարում։ Անհամբեր սպասում եմ ՄԱԿ-ի գլխավոր ասամբլեայի նախագահ ընտրված Բերբոքին աջակցելուն՝ ՄԱԿ-ն ավելի ուժեղ և բազմակողմանի դարձնելու հարցում»,- գրել է Միրզոյանը։ 

I sincerely congratulate my dear colleague Annalena Baerbock of Germany🇩🇪 on her election as 80th President of @UN General Assembly & wish her every success during this crucial year of #UN80. 🇦🇲looks forward to supporting @UN_PGA elect Baerbock for a stronger UN &multilateralism. pic.twitter.com/M4x9nDf9zB

— Ararat Mirzoyan (@AraratMirzoyan) June 2, 2025

Գերմանիայի արտաքին գործերի նախկին նախարար Անալենա Բերբոքը հունիսի 2-ին ընտրվել է ՄԱԿ-ի գլխավոր ասամբլեայի 80-րդ նստաշրջանի նախագահ։ Բերբոքն ընտրվել է գաղտնի քվեարկությամբ, նրան աջակցել է 167 պետություն։ 

Քվեարկությունից հետո նա շեշտել է, որ ՄԱԿ-ի Գլխավոր ասամբլեայի 80-րդ նստաշրջանը որոշիչ կլինի համաշխարհային կազմակերպության համար, քանի որ այն հսկայական քաղաքական և ֆինանսական ճնշման տակ է: Բերբոքը խոստացել է դռները միշտ բաց պահել բոլորի համար։