Սևանա լիճ է բաց թողնվել Սևանի իշխանի «Գեղարքունի» ենթատեսակի 36 հազար մանրաձուկ

 Գեղարքունիքի մարզի Վարդենիս համայնքի Կարճաղբյուր գյուղի տարածքում    գտնվող Սևանի իշխանի մանրաձկան արտադրության գործարանում  ՀՀ շրջակա միջավայրի նախարարության, «Սևանի իշխանի պաշարների վերականգնման և ձկնաբուծության զարգացման» հիմնադրամի, ինչպես նաև Alltech Coppens ընկերության Alltech Coppens Aqua Centre  գիտահետազոտական կենտրոնի համագործակցությամբ, կենսաբազմազանության միջազգային օրվան ընդառաջ, կազմակերպվել էր «Ձկնաբուծությունը Հայաստանում. 2025 թվականին» խորագրով աշխատաժողով։ 

Ինչպես «Արմենպրես»-ին տեղեկացրեց Կարճաղբյուրի մանրաձկան արտադրության գործարանի տնօրեն Տիգրան Վարդանյանը, միջոցառումն ուղեկցվել է նաև Սևանի իշխանի մանրաձկան՝ Սևանա լճի էկոհամակարգ բացթողնման արարողությամբ․ Սևանա լճի էկոհամակարգ բաց է թողնվել Սևանի իշխանի «Գեղարքունի» ենթատեսակի 23,8 գրամ կշռող շուրջ 36 000 մանրաձուկ՝ :

Մանրաձկան բացթողնման գործընթացին մասնակցել են Գեղարքունիքի մարզպետ Կարեն Սարգսյանը, մարզպետի  խորհրդական Սևակ Խլղաթյանը, ՀՀ շրջակա միջավայրի նախարարի կողմից ձևավորված մանրաձկան բացթողնման գործընթացները համակարգող աշխատանքային խմբի անդամները,  շահագրգիռ այլ կազմակերպությունների ներկայացուցիչներ։